ന്യൂഡൽഹി: ബോളിവുഡ് നടന്‍ നിതേഷ് പാണ്ഡെ (50) അന്തരിച്ചു. ഹൃദയാഘാതത്തെ തുടര്‍ന്നായിരുന്നു മരണം. നാസിക്കിനു സമീപം ഇഗ്താപുരിയിൽ ഷൂട്ടിംഗിനെത്തിയ താരത്തെ താമസിച്ചിരുന്ന ഹോട്ടൽ മുറിയിലാണ് മരിച്ച നിലയിൽ കണ്ടെത്തിയത്.
അര്‍പിതയാണു ഭാര്യ. അര്‍പിതയുടെ സഹോദരന്‍ സിദ്ധാര്‍ഥ് ആണ് മരണവാര്‍ത്ത പുറത്തുവിട്ടത്. തൊണ്ണൂറുകളില്‍ നാടകവേദിയില്‍ അരങ്ങേറ്റം കുറിച്ച നിതേഷ് പിന്നീട് സിനിമാ, സീരിയല്‍ രംഗത്ത് സജീവായി.ഓം ശാന്തി ഓം എന്ന ചിത്രത്തില്‍ ഷാരൂഖ് ഖാനൊപ്പം അഭിനയിച്ചിരുന്നു. ബദായി ഹോ, ശാദി കേ സൈഡ് എഫക്ട്‌സ്, രംഗൂണ്‍, ഹോസ്ല കാ ഘോസ്ല തുടങ്ങിയവയാണ് ശ്രദ്ധേയമായ സിനിമകള്‍.
