തിരുവനന്തപുരം: ചികിത്സയ്ക്കെത്തിച്ച പ്രതിയുടെ കുത്തേറ്റ് വനിതാ ഡോക്ടടര്‍ മരിച്ച സംഭവത്തില്‍ സര്‍ക്കാര്‍ ഡോക്ടര്‍മാര്‍ സമരത്തില്‍. ഇന്ന് സംസ്ഥാന വ്യാപകമായി ഡോക്ടര്‍മാര്‍ പണിമുടക്കുമെന്ന് ഇന്ത്യൻ മെഡിക്കൽ അസോസിയേഷൻ(ഐഎംഎ) അറിയിച്ചു.
ആശുപത്രികളില്‍ അടിയന്തര സേവനങ്ങള്‍ മാത്രം നല്‍കും. സംഭവം നടന്ന കൊട്ടാരക്കര താലൂക്ക് ആശുപത്രിയില്‍ എല്ലാ സേവനങ്ങളും നിര്‍ത്തിവച്ച് ഡോക്ടര്‍മാര്‍ സമരം ചെയ്യുകയാണ്. ഡോക്ടര്‍മാരും ആരോഗ്യപ്രവര്‍ത്തകരടക്കമുള്ളവരും കൊട്ടാരക്കരയില്‍ പ്രതിഷേധം തുടരുകയാണ്.ഇന്ന് പുലര്‍ച്ചെയാണ് വനിതാ ഡോക്ടര്‍ക്ക് പ്രതിയുടെ കുത്തേറ്റത്. അക്രമത്തില്‍ ഗുരുതര പരിക്കേറ്റ ഡോക്ടറെ തിരുവനന്തപുരത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കോട്ടയം സ്വദേശിയായ ഡോക്ടര്‍ വന്ദന ദാസ്(23) ആണ് ദാരുണമായി കൊല്ലപ്പെട്ടത്.
