ബംഗളൂരു: കര്‍ണാടകയില്‍ വോട്ടെണ്ണൽ പുരോഗമിക്കുമ്പോൾ കോണ്‍ഗ്രസ് ഭരണകക്ഷിയായ ബിജെപിയെ പിന്നിലാക്കി ശക്തമായ മുന്നേറ്റം നടത്തുകയാണ്.
ഇതുവരെയുള്ള കണക്കുകള്‍ പ്രകാരം കോണ്‍ഗ്രസ് 44.7 ശതമാനം വോട്ട് വിഹിതത്തിന് മുന്നിട്ടുനില്‍ക്കുമ്പോള്‍ ബിജെപിയ്ക്ക് 37.4 ശതമാനം വോട്ട് വിഹിതമാണുളളത്.
അതേസമയം, ജെഡിഎസ് 10.5 ശതമാനം വോട്ട് വിഹിതത്തിലാണെന്നാണ് തെരഞ്ഞെടുപ്പ് കമ്മീഷന്‍റെ വെബ്സൈറ്റ് വ്യക്തമാക്കുന്നത്.
2018ൽ നേടിയ സീറ്റുകളിൽ പലതും ബിജെപിക്ക് ഇത്തവണ നഷ്ടമായി. തെരഞ്ഞെടുപ്പിൽ മത്സരിച്ച 28 മന്ത്രിമാരിൽ എട്ട് മന്ത്രിമാരും പിന്നിലായി.
