കഴിഞ്ഞ വട്ടം ഒന്പതാം സ്ഥാനം, ഇക്കുറി ഫൈനലിലെ ആദ്യ പേരുകാർ; കലാശപ്പോരിന് ടിക്കറ്റെടുത്ത് ധോണിയും കൂട്ടരും

ചെ​ന്നൈ: യുവത്വവും പരിചയസമ്പത്തും ഏറ്റുമുട്ടിയ ആവേശപ്പോരാട്ടത്തിൽ, ഹാർദിക് പാണ്ഡ്യയുടെ ഗുജറാത്ത് ടൈറ്റൻസിനെ വീഴ്ത്തി മഹേന്ദ്രസിങ് ധോണിയുടെ ചെന്നൈ സൂപ്പർ കിങ്സ് ഐപിഎൽ ഫൈനലിൽ. ഐ​പി​എ​ൽ ച​രി​ത്ര​ത്തി​ലെ ത​ങ്ങ​ളു​ടെ പ​ത്താം ഫൈ​ന​ൽ മ​ത്സ​ര​ത്തി​ലേക്കാണ് ചെന്നൈ ചുവടുവെച്ചത്. ക​ഴി​ഞ്ഞ സീ​സ​ണി​ലെ ഒ​മ്പ​താം സ്ഥാ​ന ഫി​നി​ഷി​ന് പ​ലി​ശ സ​ഹി​തം മ​റു​പ​ടി ന​ൽ​കു​ന്ന രീ​തി​യി​ൽ, ഗു​ജ​റാ​ത്ത് ടൈ​റ്റ​ൻ​സി​നെ 15 റ​ൺ​സി​ന് വീ​ഴ്ത്തി​യാ​ണ് ധോ​ണി​യും പി​ള്ളേ​രും ഫൈ​ന​ലി​ന് യോ​ഗ്യ​ത നേ​ടി​യ​ത്. ഐപിഎൽ ചരിത്രത്തിൽ ഇതുവരെ ഗുജറാത്തിനെ തോൽപ്പിക്കാനായിട്ടില്ലെന്ന നാണക്കേടും ചെപ്പോക്കിൽ ധോണിയും സംഘവും മറികടന്നു.

സി​എ​സ്കെ ഉ​യ​ർ​ത്തി​യ 172 റ​ൺ​സി​ന്‍റെ വി​ജ​യ​ല​ക്ഷ്യം പി​ന്തു​ട​ർ​ന്ന ടൈ​റ്റ​ൻ​സ് മി​ക​ച്ച ഫീ​ൽ​ഡിം​ഗി​ന് മു​മ്പി​ൽ പ​ത​റി റ​ൺ​സെ​ടു​ക്കാ​ൻ വി​ഷ​മി​ച്ച​തോ​ടെ പ​രാ​ജ​യ​ത്തി​ലേ​ക്ക് വീ​ഴു​ക​യാ​യി​രു​ന്നു. ര​ണ്ട് വി​ക്ക​റ്റ് വീ​തം വീ​ഴ്ത്തി​യ ര​വീ​ന്ദ്ര ജ​ഡേ​ജ, മ​തീ​ഷ തീ​ക്ഷ​ണ സ്പി​ൻ സ​ഖ്യ​മാ​ണ് ടൈ​റ്റ​ൻ​സ് സ്കോ​ർ 157-ൽ ​ഒ​തു​ക്കി​നി​ർ​ത്തി​യ​ത്. സ്കോ​ർ: ചെ​ന്നൈ സൂ​പ്പ​ർ കിം​ഗ്സ് 172/7(20) ഗു​ജ​റാ​ത്ത് ടൈ​റ്റ​ൻ​സ് 157/10(20)

ടോ​സ് നേ​ടി ചേ​സിം​ഗ് തെ​ര​ഞ്ഞെ​ടു​ത്ത ടൈ​റ്റ​ൻ​സി​നാ​യി ശു​ഭ്മാ​ൻ ഗി​ൽ(38 പ​ന്തി​ൽ 42) മാ​ത്ര​മാ​ണ് മു​ന്നേ​റ്റ​നി​ര​യി​ൽ ഭേ​ദ​പ്പെ​ട്ട പ്ര​ക​ട​നം കാ​ഴ്ച​വ​ച്ച​ത്. വൃ​ദ്ധി​മാ​ൻ സാ​ഹ(12), ഹാ​ർ​ദി​ക് പാ​ണ്ഡ്യ(8), ദ​സു​ൻ ശ​ന​ക(17), ഡേ​വി​ഡ് മി​ല്ല​ർ(4) എ​ന്നി​വ​ർ വേ​ഗം മ​ട​ങ്ങി​യ​തോ​ടെ 12.5 ഓ​വ​റി​ൽ 88-4 എ​ന്ന നി​ല​യി​ലാ​യി​രു​ന്നു ടൈ​റ്റ​ൻ​സ്. പ​വ​ർ​പ്ലേ​യി​ൽ 41 റ​ൺ​സ് മാ​ത്രം വി​ട്ടു​ന​ൽ​കി​യ സി​എ​സ്കെ ബൗ​ള​ർ​മാ​ർ ഗി​ല്ലി​ന്‍റെ സ്വാ​ഭാ​വി​ക സ്ട്രോ​ക്ക് പ്ലേ​യ്ക്ക് ത​ട​സം വ​രു​ത്തി താ​ര​ത്തെ സ​മ്മ​ർ​ദ​ത്തി​ലാ​ക്കി. ഒ​രു​വ​ശ​ത്ത് വി​ക്ക​റ്റു​ക​ൾ ന​ഷ്ട​പ്പെ​ടു​ന്ന​തി​നാ​ൽ ശ്ര​ദ്ധ​യോ​ടെ നീ​ങ്ങി​യ താ​രം സ്കോ​ർ ബോ​ർ​ഡ് ച​ലി​പ്പി​ക്കാ​നു​ള്ള ആ​ദ്യ ലോ​ഫ്റ്റ​ഡ് ഷോ​ട്ട് ശ്ര​മ​ത്തി​ൽ ത​ന്നെ ക്യാ​ച്ച് ന​ൽ​കി മ​ട​ങ്ങി​യ​തോ​ടെ ടൈ​റ്റ​ൻ​സ് പ​കു​തി തോ​ൽ​വി സ​മ്മ​തി​ച്ചി​രു​ന്നു.

കൂ​റ്റ​ന​ടി​ക്കാ​രാ​യ വി​ജ​യ് ശ​ങ്ക​ർ(14), റാ​ഷി​ദ് ഖാ​ൻ(16 പ​ന്തി​ൽ 30) എ​ന്നി​വ​രും ല​ക്ഷ്യം കാ​ണാ​തെ മ​ട​ങ്ങി. മൂ​ന്ന് ഫോ​റു​ക​ളും ര​ണ്ട് സി​ക്സു​മാ​യി 19-ാം ഓ​വ​ർ വ​രെ പോ​രാ​ടി​യ റാ​ഷി​ദ് മ​ട​ങ്ങി​യ​പ്പോ​ഴാ​ണ് ചെ​പ്പോ​ക്കി​ലെ മ​ഞ്ഞ​ക്ക​ട​ൽ വി​ജ​യം ശ​രി​ക്കും ആ​ഘോ​ഷി​ച്ച് തു​ട​ങ്ങി​യ​ത്. പി​ന്നീ​ടു​ള്ള വി​ക്ക​റ്റു​ക​ൾ ച​ട​ങ്ങു​തീ​ർ​ക്കു​ന്ന ലാ​ഘ​വ​ത്തോ​ടെ ധോ​ണി വ​ര​ച്ച വ​ര​യി​ൽ നി​ർ​ത്തി​യ ഫീ​ൽ​ഡ​ർ​മാ​ർ കൈ​ക​ളി​ൽ പി​ടി​ച്ചെ​ടു​ത്തു. ദീ​പ​ക് ചാ​ഹ​ർ, മ​തീ​ഷ പ​തി​ര​ന എ​ന്നി​വ​ർ ര​ണ്ട് വി​ക്ക​റ്റ് വീ​തം പി​ഴു​തു.

നേ​ര​ത്തെ, ഋ​തു​രാ​ജ് ഗെ​യ്ക്‌​വാ​ദ്(44 പ​ന്തി​ൽ 60) – ഡെ​വ​ൺ കോ​ൺ​വെ(34 പ​ന്തി​ൽ 40) സ​ഖ്യം ഭേ​ദ​പ്പെ​ട്ട തു​ട​ക്ക​മാ​ണ് ടീ​മി​ന് ന​ൽ​കി​യ​ത്. ടീം ​സ്കോ​ർ 87-ൽ ​നി​ൽ​ക്കെ കോ​ൺ​വെ പു​റ​ത്താ​യ​തോ​ടെ റ​ൺ​സ് വ​രു​ന്ന​ത് മെ​ല്ലെ​യാ​യി. ശി​വം ദു​ബെ(1), അ​ജി​ങ്ക്യ ര​ഹാ​നെ(17), അം​ബാ​ട്ടി റാ​യു​ഡു(17), ധോ​ണി(1) എ​ന്നി​വ​ർ വേ​ഗം മ​ട​ങ്ങി​യെ​ങ്കി​ലും 22 റ​ൺ​സ് നേ​ടി​യ ജ​ഡേ​ജ സ്കോ​ർ 170 ക​ട​ത്തി.ടൈ​റ്റ​ൻ​സി​നാ​യി മോ​ഹി​ത് ശ​ർ​മ, മു​ഹ​മ്മ​ദ് ഷ​മി എ​ന്നി​വ​ർ ര​ണ്ട് വീ​ത​വും നൂ​ർ അ​ഹ്മ​ദ്, റാ​ഷി​ദ്, ദ​ർ​ശ​ൻ ന​ൽ​ക്ക​ണ്ടെ എ​ന്നി​വ​ർ ഓ​രോ വി​ക്ക​റ്റ് വീ​ത​വും വീ​ഴ്ത്തി. ആ​ദ്യ ഓ​വ​റി​ൽ​ത്ത​ന്നെ ഗെ​യ്ക്‌​വാ​ദി​നെ ന​ൽ​ക്ക​ണ്ടെ വീ​ഴ്ത്തി​യെ​ങ്കി​ലും നോ​ബോ​ൾ വി​ളി​ച്ച​തോ​ടെ മ​ത്സ​ര​ത്തി​ന്‍റെ ഗ​തി മാ​റു​ക​യാ​യി​രു​ന്നു.

ജ​യി​ച്ചെ​ങ്കി​ലും ബൗ​ളിം​ഗി​ലെ പ​രു​ങ്ങ​ൽ സി​എ​സ്കെ​യ്ക്ക് ആ​ശ​ങ്ക​യാ​ണ്. എ​ങ്കി​ലും ധോ​ണി​യു​ടെ ക്രി​ക്ക​റ്റിം​ഗ് ബു​ദ്ധി​യി​ലും ഭാ​ഗ്യ​ത്തി​ലും വി​ശ്വാ​സം അ​ർ​പ്പി​ച്ച് ക​പ്പ​ടി​ക്കാ​മെ​ന്ന ആ​ത്മ​വി​ശ്വാ​സ​ത്തി​ലാ​ണ് ടീം. ​ഫൈ​ന​ൽ ബെ​ർ​ത്ത് നേ​ടാ​നാ​യി ര​ണ്ടാം ക്വാ​ളി​ഫൈ​യ​റി​ൽ ഒ​ര​വ​സ​രം കൂ​ടി ല​ഭി​ക്കു​മെ​ന്ന ആ​ശ്വാ​സം മാ​ത്ര​മാ​ണ് ടൈ​റ്റ​ൻ​സി​ന് മു​മ്പി​ൽ ഇ​പ്പോ​ഴു​ള്ള​ത്. മും​ബൈ ഇ​ന്ത്യ​ൻ​സ് – ല​ക്നോ സൂ​പ്പ​ർ ജ​യ​ന്‍റ്സ് എ​ലി​മി​നേ​റ്റ​ർ പോ​രി​ലെ ജേ​താ​വി​നെ​യാ​കും ടൈ​റ്റ​ൻ​സ് ഇ​നി നേ​രി​ടു​ക.