ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പരീക്ഷാഫലം പ്രസിദ്ധീകരിച്ചു. 87.33 ശതമാനമാണ് വിജയശതമാനം. കഴിഞ്ഞ വർഷത്തേക്കാൾ അഞ്ചുശതമാനം കുറവാണ് ഇത്തവണത്തെ വിജയശതമാനം. 92.71 ശതമാനമായിരുന്നു കഴിഞ്ഞ വർഷത്തെ വിജയം.
രാജ്യത്തെ വിജയശതമാനത്തിൽ തിരുവനന്തപുരം മേഖലയാണ് ഉയർന്ന വിജയം നേടിയിരിക്കുന്നത്. 99.91 ശതമാനമാണ് തിരുവനന്തപുരം മേഖലയുടെ വിജയം. 78.05 ശതമാനമുള്ള പ്രയാഗ്‍രാജ് ആണ് മേഖലാടിസ്ഥാനത്തിൽ പിന്നിൽ. സ്കൂളുകളിൽ ജവഹർ നവോദയ വിദ്യാലയങ്ങളാണ് ഏറ്റവും ഉയർന്ന നേട്ടം കൊയ്തിരിക്കുന്നത്. 97.51 ശതമാനമാണ് വിജയം. കേന്ദ്രീയ വിദ്യാലയം 92.51 ശതമാനം വിജയം നേടി.
പെൺകുട്ടികൾ തന്നെയാണ് ഇക്കുറിയും വിജയത്തിൽ മുന്നിൽ നിൽക്കുന്നത്. 90.68 ശതമാനം വിജയമാണ് പെൺകുട്ടികൾ നേടിയിരിക്കുന്നത്. 84.67 ശതമാനമാണ് ആൺകുട്ടികളുടെ വിജയശതമാനം.സിബിഎസ്ഇ വെബ്സൈറ്റിൽ നിന്നും മറ്റ് സർക്കാർ വെബ്സൈറ്റുകളിൽ നിന്നും ഫലം അറിയാം. 39 ലക്ഷത്തോളം വിദ്യാർഥികളാണ് ഈ വർഷം സിബിഎസ്ഇ പരീക്ഷ എഴുതിയത്.
ഫലമറിയാനുള്ള സൈറ്റുകൾ:
https://cbseresults.nic.in/
https://www.cbse.gov.in/
https://results.gov.in/
https://results.digilocker.gov.in/
https://umang.gov.in
