തിരുവനന്തപുരം : രണ്ടുമാസത്തെ അവധിക്ക്‌ വിട കൊടുത്ത് സംസ്ഥാനത്തെ സ്‌കൂളുകളിൽ ഇന്നുമുതൽ വീണ്ടും പഠനകാലം തുടങ്ങുന്നു . മൂന്നര ലക്ഷം കുട്ടികൾ ഒന്നാം ക്ലാസിലെത്തുമെന്നാണ് പ്രതീക്ഷ. അഞ്ചിലും എട്ടിലുമായി കാൽ ലക്ഷം കുട്ടികൾ എത്തി. രണ്ടാം വർഷ ഹയർസെക്കൻഡറി, വിഎച്ച്എസ്ഇ ഉൾപ്പടെ 42 ലക്ഷം കുട്ടികൾ സ്കൂളുകളിലെത്തും. അന്തിമ കണക്ക്‌ ആറാം പ്രവൃത്തിദിനത്തിൽ ലഭ്യമാകും.
ഗതാഗതം, ശുചീകരണം, കുടിവെള്ളം, വാഹനങ്ങളുടെ ഫിറ്റ്‌നസ്, മാലിന്യനിർമാർജനം, ദുരന്തനിവാരണ ബോധവൽക്കരണം, കൗൺസലിങ്‌ എന്നിവ വിദ്യാഭ്യാസ വകുപ്പ് സമയബന്ധിതമായി പൂർത്തിയാക്കിയിട്ടുണ്ട്. പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം മലയിൻകീഴ് ഗവ. വിഎച്ച്എസ്എസിൽ രാവിലെ 10ന്‌ മുഖ്യമന്ത്രി പിണറായി വിജയൻ നിർവഹിക്കും. പൊതു വിദ്യാഭ്യാസ മന്ത്രി വി ശിവൻകുട്ടി അധ്യക്ഷനാകും. കൈറ്റ് വിക്‌ടേഴ്‌സ് ചാനൽവഴി തത്സമയം സംപ്രേഷണം ഉണ്ടാകും.
|
