കൊച്ചി : പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ നായകൻമാരാക്കി വിനീത് ശ്രീനിവാസൻ രചനയും സംവിധാനവും നി‌ർവഹിക്കുന്ന ചിത്രത്തിൽ നിവിൻ പോളിയും. മൂന്നു കൂട്ടുകാരുടെ സൗഹൃദത്തിന്റെ കഥ പറയുന്ന ചിത്രത്തിന്റെ പ്രീ പ്രൊഡക്ഷൻ ഉടൻ ആരംഭിക്കും. ആഗസ്റ്റിൽ ചിത്രീകരണം ആരംഭിക്കാനാണ് ഒരുങ്ങുന്നത്.
ഇത് നാലാം തവണയാണ് വിനീത് സംവിധാനം ചെയ്യുന്ന ചിത്രത്തിൽ നിവിൻ പോളി ഭാഗമാകുന്നത്. ചിത്രത്തെക്കുറിച്ചുള്ള കൂടുതൽ വിവരങ്ങൾ അണിയറ പ്രവർത്തകർ ഉടൻ പുറത്തുവിടും. വിനീത് ശ്രീനിവാസൻ സംവിധാനം ചെയ്ത കഴിഞ്ഞ ചിത്രമായ ഹൃദയത്തിലും പ്രണവ് മോഹൻലാലായിരുന്നു നായകൻ. വിനീതിന്റെ തിര എന്ന ചിത്രത്തിൽ നായകനായി അഭിനയിച്ചാണ് ധ്യാൻ വെള്ളിത്തിരയിൽ എത്തുന്നത്.
