മോഷ്ടാവിന്റെ കുത്തേറ്റു മലയാളി കൊല്ലപ്പെട്ടു. തൃശൂർ പെരിങ്ങോട്ടുകര സ്വദേശി കാരിപ്പംകുളം അഷ്റഫ് (43) ആണ് കൊല്ലപ്പെട്ടത്. എക്സിറ്റ് നാലിലുള്ള പാർക്കിൽ ചൊവ്വാഴ്ച രാത്രിയായിരുന്നു സംഭവം.
ഡ്രൈവറായ അഷ്റഫ് പാർക്കിൽ വിശ്രമിക്കുന്നതിനിടെ പഴ്സും മൊബൈൽ ഫോണും മോഷ്ടിക്കാനെത്തിയ ആളെ തടയുമ്പോഴാണ് കുത്തേറ്റത്. ഗുരുതരമായി പരുക്കേറ്റ അഷ്റഫിനെ സൗദി ജർമൻ ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും ഇന്ന് പുലർച്ചെ മരിച്ചു.
ആഫ്രിക്കൻ വംശജനാണ് പ്രതി എന്നാണ് സൂചന. ഇസ്മായിലിന്റെയും സുഹറയുടെയും മകനാണ്. ഭാര്യ: ഷഹാന. സഹോദരൻ: ഷനാബ്.
